السلام عليكم من جديد ..

بمشي على قائمه افلام تصنيف ( الانتحار) مين ببدع بهيك كصص اكيد دول آسيا .

اول فلم ..~



ليله بارده bleak night

دراما وقصه ليش بطلنا انتحر ومين السبب .. واحد من الطلاب قتل حاله لسبب رهيب بس للاسف ما جابوا اللقطه .. دراما حلوه .. حزينه .. عجبني .. حتى نهايته روعه .. 8 ونص بياخد ..~

فش لقطات مخله .
؛

التاني ..~



الاكاذيب الانيقه , نفس الفلم اللي قبله , واحده قتلت حالها بس هون عن صبايا , سبب ما عجبني , حبيت تبع الشباب اكتر شوفته حزين اكتر وهدا نهايته ما عجبتني كانت مليانه امل وسعاده , مش حلو افلام بتحكي عن انتحار تكون مليانه امل بالحياه وبالسعاده وانو امشي بالدنيا لأ .. لازم نموت وراهم .. عجبني كتير البطل الشب ابو الشعرات اللي كل ما اشوفه اوكع عالارض ضحك عليه , بياخد 7 ..~


فش لقطات مخله . وفلم هادف ..~

؛

نيجي للرائع بين هدا التصنيف



فلم رهيب عندي ... اولا اللي لازم ينعرف اد عقلك صغير وبتصدق وبدكش وساخه , تشوفوش ويخلف عليك !

فلم انتحاره رائع يعني اخر لقطه رهيبه .. بالاصل نص اللي بالفلم بينتحروا .. قصه الفلم روعه .. التمثيل رهيب عندي .. التصوير .. زي كأني بقرأ بكتاب كدامي وانا اشوفه هالفلم .. كله موت وعذاب وحزن .. وضعف !
كل الفلم بيحكي عن انه المصاري شو بتعمل وعن الانتقام شو بخليك تعمل وكيف تشغّل عقلك , وعن الانسانيه الجواتنا اللي كد ما نقسى بس لما نلاكي حد يعبي حياتنا كل شي بطير , وعن كدبه واحده ممكن تغير كل حياتنا وتشقلبها تشقلب .
قصته شب وظيفته انه يلم الدين من الناس واللي ما بعطيه اكيد بيتعاقب , بتطلع واحده بحياته للشب مين هي ؟ واد هي جد اللي بتحكيه وبنكمل ..

اخد 9\10

؛

ضايل كم فلم ان شاء برجع بحكيلكم عنهم .. الى لقاء .