السلام عليكم.

واخيرا تعدلت صحتي شوي اني اجي واشارك بهدا النقاش، لأنه عنجد من النقاشات اللي لازم اشارك فيها، كنت خايفة يبلش النقاش الجديد.

ما جاوبت عا نص الأسئله حسيت ملهاش فايده معي، بس ركزوا معي عا اخر سؤال اللي هو احكي شو ما بدي.

ابدأ بسم الله :

_منذ متى تستخدم النت بشكل عام وشبكاات التواصل الاجتمااعي بشكل خااص؟

النت! بشكل عام اهلي كان ممنوع النت وانا بالمدرسة فا مكانش لا نت ولا كمبيوتر، بعد التخرج الحمد لله ودخولي للجامعه كنت بحاجة النت والكمبيوتر للابحاث والدراسة، فا نحكي 6 سنين وانا بستخدمه.
كنت استخدم نت المقاهي قبلها، ومش دايما، الاغلب اد باند نزلت البوم وبدي اعرف عنهم.
التواصل الاجتماعي بالاغلب انا متقطعه بخصوصه، بس من وقت سفري فا فش وسيله ارخص وبالمجان منها اتواصل مع الغوالي فا نحكي سنه ونص بستخدمها بشكل كامل.

؛

✓_هل تشعر بأن الفتاة تكون مستهدفة في عالم النت ! وخااصة صغار السن ؟!

انا مش مؤمنة بشعوري تجاه أي شي لانه غلط دايما وخاصة لما أكون متأكده وحاكية لحد، عشان أنكسف عالمزبوط.
بس انا متأكده بان الشباب والبنات مستهدفين في عالم النت كانوا صغار ولا كبار، والكبير بده شغلات اكتر من الصغير وخاصة اد جرب والنفس آمآره بالسوء.

؛

✓ _هل تعتبر رقاابة الاهل على النت الذي نستخدمه هي خرق لخصوصياتنا؟!

هلكيت انا مجربتش اهل يراقبوني، يمكن لان اوعيت عليه كبيره بنظرهم، او يمكن بعرفوا الطريق اللي بمشي فيه، او لاني انا بنفسي بحكيلهم عن حياتي عالنت! وبنفس الوقت انا مع التوعيه وليس الرقابه، لأن الرقابه كترها يمكن يخليهم يتمردوا.
اشي مهم وكل واحد إله حرية الرأي، انا بعترفش بأشي اسمه خصوصيه بيني وبين اهلي وبقصد اهلي امي وابوي، فا عندي بكونش اي سؤال من طرفهم بخصوص حياتي عالنت هو تدخل، بالعكس اهلي ولازم يعرفوا وبكون عندهم فضول وهدا حقهم، بالأصل احب ما عليا احكيلها عن فلان وفلانة.

؛

✓ _ عندما تدخل النت هل يراقبكـ أهلكـ ولو بشكل سطحي او طفيف؟!

لأ، زي ما حكيت من مره.

؛

✓ _عــــــادة ! مااهي الاشياء والمواقع التي تتصفحها على النت؟!

اي شي بيخطر ببالي وبعرفش اشي عنه وبدي معلومات عنه ببلش ابحث
افلام ومسلسلاات وشغلات تنشاف، كم عارضة، العاب بلستيشن، ميتل، نكت، سيارات.

؛

✓ _ هل تفضل عاالماا بلا نت؟

مش دايما، بس حلو يكون بعض الايام فش نت.
عن نفسي ما بستخدم النت بشكل يومي الا اد كان احد الاصحاب بظروف وبحاجة اطمن عليه، وبخصوص الافلام او اي نوع مشاهده ما بقطع نفسي، دايما يكون جهازي ملان.

؛

✓ _ لو وقــــــــع صديق\ه لكـ مع اصدقاء سوء في النت ماذا ستفعل؟!

لحظة لحظة، انتو هون بطبو فيّا، انا صديقة سوء عالنت!
اصحابي عالنت نصهم او حتى اغلبهم بعرفهم من الواقع ومشاكلها بسبب الواقع، والباقي اتعرفت عليهم عالنت ومشاكلهم عن واقعهم، كلهم واعيين ما بخلوا سراب واصحابه يأثروا عليهم، فا محدش منهم واجهته مشاكل بسب النت.
لكن خليني احكي عن حالي من فتره طويله اول بداياتي بالنت انضحك عليا بخبرية وبمساعده اصحاب شليت امله للكلب ابن اللزين.
واكيد لو صار مع حد من اصحابي لاعمل نفس الشي.


✓_ مسساحة خااصة لتعبيركـــــــ االخااص ^

كلامك بالموضوع بيحكي بشكل عام عن اسقاطات الفتيات عالنت واللعب والضحك عليهم وعا مشاعرهم، وانو الفتاه هي الضحية بكبر هدا العالم، ولان مجتمعها وحياتها ملغي الحب والرومنسيه فيها بتبحث عن ملاذ هان! ليش؟ لان المسلسلات التركية ما بتحكي الا عن بس علاقات رومانسيه، ولأنه اخنا عايشين بعالم ما علينا الا نقلد فا اكيد بدها تقلد. فهل هذا اشي صح بنظري؟ وهل هي ضحية؟ ولا حرررراااااام لازم نسمحلها تعيش كم يوم حلوين عالنت مشان مش كادره عالواقع، لأ ومعطين قيمة انو اد الوحده ورجت صورها لحد راح يفضحها، طب انتي يا روح امك كيف الوضيعه المتصوره فيها؟ مهو انتي كمان بدك هدا الاشي.

يا حلوين بس بدي اوصلكم لاشي وهو يا روح امكم فش حب عالنت وعلاقات رومنسية فش يا عالم، حتى اد عبرتي هاي الطريق ما تفكري انو حب طاهر شريف، لو انه حب طاهر ليش الكل بعارض؟ ليش اهلك ضده سواء عالنت ولا عالواقع، حطي ببالك اي علاقة بين شب وبنت بمبدأ الرومنسية والحب كلها طريق وساخة، ما تفكري عشان يسمعك كلمتين عسل، كله اكل حلاوه بعقلك، لأ والبقهر انو لا سامعه صوته ولا عارفه شكله، طيب لشو السكايب مش لهيك قصص، لأ وبتحلمي انه يتجوزك وانتي ببلد وهو بببلد.. اخ بس الله يهديكم.
النت فقط تسليه، والعالم فيه بتتسلى ببعض ما احنا بزر فيه، انا ما بحكي ما تسوي علاقات مع الشباب عالنت انا بحكي ما توقعي حالك بخزعبلات الحب والهبل تبعك مشان بس انو حبيتي، يختي اعملي هاي القصص مشان بس اتسليتي بدون ما تجرحي حالك، واوعك تيجي تعيطي وانه جرحك وضحك عليكي، انتي اللي اعطيته الاشاره ومشيتي معه بقصص الحب، واحسن شي اصحاب تكونوا، والله منهم بنحطوا عالراس.

وشكرا.