السلام عليكم يا حلوين
جبتلكم شوية نكت حلوين زيكم :1 (62):
في المدرسه استاذ الحساب بيسال التلميذ بتاعه: لو باباك استلف الف جنيه من البنك والف جنيه تانيه من جاركم يبقى هيرجع كام الف، التلميذ: مش هيرجع حاجه يا أستاذ، الأستاذ: ياابني استلف الف وبعديها الف تانيه التلميذ : مش هيرجع حاجه يا استاذ، الاستاذ: اقعد يا ابني انت متعرفش حاجه في الحساب، التلميذ: انت اللي متعرفش ابويا يا استاذ
~~~~~~~~~~~~~~~~~~~~~~~~~~
مره واحده حامل ابنها الصغير بيسألها:ايه اللي في بطنك ده يا ماما قالتله :ده أخوك يا حبيبي...تاني يوم و هوه في المدرسه المدرس سأله:انت عندك اخوات؟ قاله:كان عندي واحد بس ماما أكلته
~~~~~~~~~~~~~~~~~~~~~~~~~~
بلدياتنا بيوقف تاكسي فسأله: فاضي يااسطة فقال له الأسطة: ايوة فاضيفقال له بلدياتنا: طيب ماتيجي تقعد معايا شوية
~~~~~~~~~~~~~~~~~~~~~~~~~~
ثلاثة محششين ركبوا طيارة هليكوبتر لما حسوا بالبرد طفوا المروحة
~~~~~~~~~~~~~~~~~~~~~~~~~~
مسطول جه يخرج من العربية لقى الدنيا بتمطر راح خارج من الباب التانى
~~~~~~~~~~~~~~~~~~~~~~~~~~
غبي دخل برنامج من سيربح المليون فسأله جورج قرداحي سؤال كان صعب شويه قام قاله ممكن اتصل بصديق.. فاتصل بصاحبه وقال له ياحسنين ايه رايك احسن احذف اجابتين ولا اخد رأي الجمهور
~~~~~~~~~~~~~~~~~~~~~~~~~~
مرة حبيبين بيتمشوا في الشارع.. فالحبيبة بتقول لحبيبها: حبيبي قولي كلمة توقف القلب.. قالها اخوكي وراكي
~~~~~~~~~~~~~~~~~~~~~~~~~~
اتنين مساطيل طلبت معاهم ان اول واحد هيعدى من الشارع يقطعوا رقبته ويلعبوا بيها كورة فلقوا واحد معدى من الشارع وكان مسطول اكتر منهم المهم فوقفوه وقالوا له احنا طلبت معانا نطير رقبتك ونلعب بيها كورة راح مطلع سكينة وضربها فى دماغه وقالهم ده انا افسيها قبل ما تلعبوا بيه
~~~~~~~~~~~~~~~~~~~~~~~~~~
مرة مدرس سأل الاطفال فى الفصل وقال اللى يفتكر نفسه غبى يقف .. بعد شويه وقف تلميذ .. فسأله المدرس وليه بقى يا سيدي بتفتكر نفسك غبي .. فرد عليه التلميذ اصلي ماحبتش اشوفك واقف لوحدك يا أستاذ
~~~~~~~~~~~~~~~~~~~~~~~~~
مرة واحد بخيل اوى بعت ابنه يشترى له بعشرة صاغ جبنة .. راح الواد ورجع بعد شويه وقاله بابا البقال بيقولك تعال الحس السكينة
~~~~~~~~~~~~~~~~~~~~~~~~~~
مرة استاذ سأل طالب في أي فصل يسقط المطر قال له في الفصل اللى مالهوش سقف
~~~~~~~~~~~~~~~~~~~~~~~~~~
مرة جاموسة جالها جفاف جابت لبن بودرة
~~~~~~~~~~~~~~~~~~~~~~~~~~
مرة أغبية سافرو امريكا واحد منهم رجع والتانى مرجعش... فواحد سألة فين صاحبك؟، قال له ده اول ما راح هناك اتجنن من ناطحات السحاب وطلع عمارة 500 دور ... ورمى نفسه من الدور الـ 500 ونزل فى 3 ايام ..... قال له ومات، قال له انت عايزه ينزل فى 3 ايام من غير اكل ولا شرب وما يمتش
~~~~~~~~~~~~~~~~~~~~~~~~~~
في واحد حرامى والتانى ندل.. فالندل بيقول للحرامى علمنى السرقة.. فسرق محفظة واحد.. وقال له.. أهو علمنى انت بأة الندالة.. راح مسكوا وقال حرامى
~~~~~~~~~~~~~~~~~~~~~~~~~~
كان مرة واحد كل يوم يحلم بماتشات عصافير فراح للدكتور.. وقال له على اللى بيحصله والدكتور قاله خد الدواء ده النهاردة رد عليه.. وقال له استنى عشان النهاردة الماتش النهائى
~~~~~~~~~~~~~~~~~~~~~~~~~~
واحد غبي معاه 150 جنيه. قاعد يقسمهم ويقول 50 جنيه للسكن، 50 جنيه للأكل، و50 جنيه للبانجو.. شوية والباب خبط.. مين.. افتح بوليس.. راح مقطع الخمسين جنيه بتاعة البانجو
~~~~~~~~~~~~~~~~~~~~~~~~~~
عجوزة شافت اسد خافت.. قالها ماتخافيش انا مش بأكل نواشف
~~~~~~~~~~~~~~~~~~~~~~~~~~
مرة غبي خبطته عربيه وخلاص هيموت فالناس اتلموا عليه فمسكه واحد جامد اوى وقاله انطق الشهاده انطق الشهادة قاله دبلوم زراعة
~~~~~~~~~~~~~~~~~~~~~~~~~~
واحد راح للدكتور قالوه انا عندي صداع قالوا الدكتور انتا بتنام والشبك مقفول ولا مفتوح قالو مقفول ، قالو الدكتور افتحوا.. تاني يوم جالو الراجل.. فقالو الدكتور ها راح الصداع ؟ قالوا : الصداع راح... والبوتجاز راح... والتلفزيوون راح والتلاجة راحت والمروحة راحت ..الخ الخ
~~~~~~~~~~~~~~~~~~~~~~~~~~
واحد غبي راكب مع ابوه العربيه.. ابوه قاله اقفل الشباك ياولد الجو برد.. الولد قاله ياسلام عليك أما انت عليك تقاليع.. هو يعني لما اقفل الشباك الدنيا بره هتحرر
~~~~~~~~~~~~~~~~~~~~~~~~~~
بس كده كفايا :1 (48):