~

؛

وعليكم السلام ورحمة الله وبركاته ~

معاك حق ؛ انا من النوع اللي مستحيل اسامح ~~

؛

لأ لأ مين حكى بأن الأسف دليل على ان صاحبه جبان ومعندوش كبرياء ؟؟ هو مالوش معنى الأسف ؛ لأن الحياة رايحة وما إلها قيمة ؛ فا ليش ارضى بأسف الناس ؟
الأسف بحلّ المشكلة ؛ الأسف بيلحم الجُرح ؟ الأسف برجع الميت ؟ الأسف بجبر الخاطر ؟ الأسف برجع للشخص الإشي اللي خسره ؟ بالنسبة إلي لأ ! كيف مجرد كلمة من شخص سبب اذى إلي تكون إلها قيمة ؟ كيف مُجرد كلمة من شخص بعرفش شو نيتة لما حكىها انا استقبلها ؟
أي شخص سبب إلي اذى مقصود .. الله لايسامحه ~

؛

لا إله إلا الله ..~
بس احنا في ملان شياطين بتوسوس بروسنا ومرات بنضعف ف كيف بدنا نسامح ؟
الله يلعن ابليس والشياطين ~

؛

هو في مجتمعات حتى نحسب حسابها ؟؟!

؛

معناتن انا مش سوي ومش مؤدبة ؛ ومحدودة الفكر
مش مهم ؛ ربنا بعرف شو جواتي ؛ القناعة إشي رهيب ~
بس هدا إشي ما خلاني اعيد تفكيري بالمسامحة ..

؛

➊ لماذا أصبح مفهوم الإعتذار مرتبط بضعف الشخصية؟!.
بعرفش لاني من مره ما بحكم على شخص اد اتأسف انه ضعيف الشخصية .

➋ لماذا أصبحت كلمة الإعتذار مقدسة وكل شيء يتوقف عليه مع أنه يوجد أكثر من طريقة للتسامح وإرجاع العلاقات؟!.
كمان متل ما زكرت قبل انا مش معترفة بكلمة " آسف" لاني في الاصل لو حكها مليون مره ما برفلي جفن وراح اضل مش مسامحته .

➌ في اليابان من يعتذر أولاً يُعترف به على أن لديه قلب قوي وشجاع بينما في الدول العربية العكس غالب؟!.
الاسف عند اليابان هو الركوع على اجريه وهدا حرام ؛ لان ما لازم نركع لحد إلا ربنا ؟ ولا شو ؟

➍ أحيانا الإعتذار في بعض المواقف يجنبنا الكثير من الأمور منها الحقد والغيره والخلافات،
فلماذا يتناسى البعض هذا ويفضل عدم الإعتذار؟!.
متليّ انا حقودة وعندي ملان خلافات مع الكل ؛ بس انا ما اغلطت بحق حد ؛ وحتى لو اغلطت لازم على الشخص يحكيلي وانا بشوف اد ممكن اقطّع الصُحبة او اتركه ؛ بس اكيد برضاش بآسفه ومستحيل انا اتأسف ؛ كيف اعمل إشي مش من قناعاتي ؟ اللي هو الأسف ؟
بس ملوش دخل الغيرة بالأسف !

➎ لماذا أصبح من الصعب العفو لمن أخطأ واعترف بخطأه،
والتفكير بالأمور الشخصية،لدرجة نسيان معنى التسامح؟!.
متلي ؛ لان الشخص المتوجع صعب جداً يلتحم جُرحه وخاصة النوع اللي مات من كتر ما اتوجع من الناس ! ولا إيش يعني لازم نفكّر بآمور المجمتع مش بآمورنا الشخصية ؟ ليش يعني المجتمع هو اللي بتوجع مش احنا ؟

➏ الإعتذار في بعض المواقف يعتبر ذكاء ورزانه حتى إن لم تكن مخطئ مع أم ضد؟!.
ضد ؛ ضد الأسف بشكل عام لو كنت مخطأ او لأ ~

➐ أن ينفصل شخصان للأبد بسبب عدم اعتراف أحدهم بخطأه ولو اعترف وتسامح لانحلت المعضله بأكملها،
ما تعليقك؟!.
شو فيها ؟ اللي خلقه خلّق غيره ! بدوش هالصُحبة او هالمحبة !

➑ متى برأيك يكون الإعتذار ضعف ومتى يكون قوة؟!.
ولا مره بيكون قوه إلا مع آهلك .. بحياتك ما تغلط مع اهلك واد اغلطت عطول اعمّل شي يعوض ومش يكون مجرد كلمة بكم حرفة بتسواش إشي ~
ولا مره بكون ضعف ؛ اد بتحس انه ضعف بلاه هالاسف محدّش جبرك ~

➒ هل محيطك في الواقع يؤثر على مبادرتك بالإعتذار؟!.
لأ ؛ الحمد لله رب العالمين انا من النوع اللي كل اللي حواليا بعرفوني وبعرفوا تصرفاتي ؛ ومفش بيني وبينهم قصص تأدي للاعتذارات وانا وهم مش مؤمنين بقصص اعتذرات لان بنعرف ان الاعتذرات بتحلش المشاكل او بتطعمينا خبز ~

➓ هل تفضل الإعتذار بطريقة مباشرة أم غير مباشرة؟!.
بعتذرش لا هيك ولا هيك ؛ عجبهم يكملوا معي عجبهم ؛ ما عجبمهم الله ببعت غيرهم ~

➊➊ ما فائدة الإعتذار بنظرك، وهل ترى بأن له سلبيات؟!.
مفش فايدة ؛ كله ع بعضه سلبية بنظري ؛ لان اي شخص بيعتذر معي اد كانت بيني وبينه عِشّره ومعزه عطول بحكيله يسحبها وبنكمّل واد انا بطكوش عطول بساعده يرفرف ~

➋➊ إن تكرر خطأ شخص وفي كل مره يطلب السماح منك هل تتقبله أم تُعرض عنه؟!.
أكيد لأ ؛ مهو كتر اخطاء العالم فيّ ونفس الشخص يخطأ معي اكتر من مره هو سبب خلاني اني مستحيل اسامح لاني البرميل تبعي طفح ~

➌➊ هل تعفو عن من يعتذر اليك،ومتى قد لا تعفو؟!.
متل ما حكيت لو كانت بيني وبينه عِشّره وإله معزه وكان خطأه بسيطة بكمل معه بدون اعتذرات

➍➊وأخيراً،هل الإعتذار من صفاتك؟!.
بالفعل واخيراً ؛ قتلتيني بعدد الأسئلة
لأ ؛ كُنت ؛ وكان هي فعل ماضي ناقص معفن !

؛

بشكل عام :~

موضوع حلو ؛ اسأله حلوه ؛ تنسيق جميل !

ما بهتم لطول ردي ؛ لرأي الناس فيّ ؛ كل واحد إله حُرية التعبير !

؛

بالتوفيق للجميع ويعطيك العافية ع طرح الموضوع ()