رعد ولد دلووووع عايش طول حياته في بيت عز ولا ينقص عليه شيء .. كان ابوه يدلعه مرره لانه ولده الوحيد وهو يعشق العيال .. بنسبه لبوه كل طلبات رعد مجابه ...
ولمن كبر رعد وصار عمره 14 مل بشكل مو طبيعي من البيت وقعدته .. وطلب من بوه يبي يشتغل معه ..
بس بوه اصر انه مايشتغل الا لمن صير عمره 17 ووافق ... عشان كذا كانت بنسبه لرعد حياته عباره عن شغل شغل وبس .. ما عرف بحياته غير هشي ..
*****
اخذ الاب ونزل شاف ابوه رجع من الشركه وراح سلم عليه وجلس على الكنبه وشغل الاب وكمل شغله ..
ابو رعد : رعد قفل الاب ابي اقول لك شيء
قفل الاب وحطه جمبه .. ولف على بوه : هلا يوبه تفضل
ابو رعد شبك يدينه ببعض : انت ليش تبي تسافر ؟
رعد : يبه مليت وابي اسافر .. وش الي مخليك تعترض لهدرجه
ابو رعد : لمصلحتك .. يارعد مي عاجبتني فكرت سفرك مره ..
رعد : طيب وش السبب
ابو رعد بصدق : ياولدي انت تبي تروح لندن ماتعتقد انك بتتعلق بحد هناك .؟؟
رعد رفع حواجبه: ماني مصدق انك تفكر بطريقه
ابو رعد : ماتدري وش بيصير لك هناك ... اجل هسفر
رعد لف وجهه : يوبه تكفى لا تجبرني انا حجزت تذكره السفر بعد يومين
ابو رعد : بس عشان ذا معترض ؟؟ شوف يارعد لك خيارين .. وانت مطر تختار واحد بينهم ولا اعرف اني مو راضي عليك ..
تفاجا من كلام ابوه عاد هو مو متعود ان ابوه يجبره على شي .. وكل كلامه مطاع !!.
........./......
مسكتها من يدها بترجي : تكفيييين الوف نامي اليوم هنا ..
ايلاف عقلها عند مشعل : والله مااقدر ياامل .. اخوي تعبان لازم اقعد عنده ..
امل بحيره : وش تعبان منه ؟؟؟
جا سوالها على الوتر الحساس سكتت شوي وقالت تغير السالفه : بقعد بس مو نام اخر اليل بروح ..
يلاه خلينا ننضف المطبخ عشان نقعد نسولف
تفاجات منها وهي تروح معها للمطبخ : بسم الله وش الي غير رايك فجاه ؟؟
ايلاف : صح وين العنود ماشوفها .. معقول راحت ؟؟
رفعت حواجبها : ليش تغيري السالفه بتخليني اشك فيكي !!
ايلاف مي داريه وش تقول تورطت .. فرحت لمن شافت بتول ونوره يدخلون البيت : سسلامم
ابتسمت وهي تقول : بتول نوره ..
امل بشك : غيرتي رايك وقعدتي ..وبعدها بنضف المطبخ وبعدها العنود والحين بتول ونوره وش باقي ماجبتي سالفته ؟؟؟ وش وراك ايلاف
ايلاف ملت من ملاحضتها : ااف منك امل ترا بروح وبخليك تفحصي في ملاحضاتك وتستاهلي الي يجيك
امل وسعت عيونها : لالالا تووبه والله توبه .. بس خلاص اقعدي
ايلاف: هههههه مايسكتك الا كذا
****
ابو خالد عنده مزرعه كبيره .. وعنده اربعه عيال كانت هل مزرعه لولا الله ثم هي ماتو من الجوع والفقر مكان عندهم غيرها يشتغلون فيها ..
وياكلون من خيرها
كبرو عياله الاربعه خالد وريان وصقر وسعود ..
مع السنين والوقت مات ابوهم .. وكانت في المزرعه بيت واحد .. صارت اعمارهم سن زواج وتزجو كلهم ..
اخذ البيت سعود اصغر واحد ..
اما ريان بنا له بيت وخالد وصقر كانت بينهم اخوه شديده وماقدر كل واحد يبني له بيت وبنو بيت واحد لهم الاثنين ...ومع الزمن تقاسمو المزرعه وكان من حض سعود انه اربح واحد فيهم ..
عيال خالد : طلال 23.. عمره 22..وامل 19
عيال ريان ثلاث .. وزوجته ماتت : عماد عمره 22 .. مشعل 20 .. ايلاف 18 ..
عيال صقر بنت وولد : ياسر عمره 20 جسمه ضعيف وابكم .. والعنود عمرها 17
عيال سعود ثلاثه : راكان عمره 23 .. وبتول ونوره توام عمرهم 17
........../.........
جلسو يسولفون وماخلت السواليف من شجار بتول ونوره ..
بتول تاخذ ورقه : زين طسي .!؟
نوره خذت ورقه : مع نفسك شقلبي اقول ...!؟؟
امل عصبت : اوووه خلاص اسكتو .. وربي جبتو لي الصداع
بتول ونوره : احسن !!
العنود بالطف مسطنع : خليهم ياحليلهم وهم يلعبون ..
امل غثت كبدها وبذات لمن ضحكو لها بتول ونوره وبداو يسولفون معها وكملو لعبت بنت ولد عجوزه .. > اذا تعرفونها ^^"
قامت امل وهي تقول : انا بروح اساعد عمتي ..
ايلاف حست بامل تضايقت استغربت وكملت لعب معهم ..
نوره وهي تنتضر احد يغمز لها يعني يكون الولد ( هذي في العبه ) : امم غريبه وش فيها امول ؟؟
العنود من جابو سيرتها قالت وملامح وجها تغيرت : احسها نفسيه !!
تفاجات من كلامها ايلاف : بالعكس وش فيها امل ,, ليش احسك حقده عليها ؟؟
العنود من خشمها : انا الي معاشرتها واعرفها اكثر منكم كلكم ..
نوره وهي مبتسمه : ومعاشره طلول بعد ..
وفجاه قالت هي وبتول مع بعض : يااااحضضككك
ايلاف ماعجبتها سواليفهم .. استاذنت وطلعت ..
دخلت المطبخ وشافت متعب واقف عند الثلاجه
استغربت وهي تدخل : متعب .. وينها امل ؟؟
ابتسم من شافها : طيب مافي سلام ولا شيء ..
ايلاف : السلام عليكم .. وينها امل ؟؟
ضحك وهو يقرب منها ويمد لها كاست المويه : طيب طيب اشربي .. وهدي اعصابك
ابتسمت وهي تبعد الكاس منها : يله عاد متعب وينها ابيها ضروري ..
متعب وهو يشرب : مادري والله
وسعت عيونها وهي تضربه بكتفه بقوه .. وحك : خـ..نقــ..تيني
قالت وهي تضحك : تستاهل .. كل هل وقت ومنت حتا عارف وينها .. ماخرني ليش ..
متعب يحك وحاط يده على فمه:كحح كح .. طيب بس كنت ابي اسولف معك وجع الي يسولف معك غلطان
طلعت وهي تقول : اييه ..
............/.........
وسع عيوونه بصدمه وهو يضغط على الكرسي : كيـف ؟؟؟!!!
ابو رعد بجديه : الي سمعته .. اختار يله ؟؟
رعد عقد حواجبه بضيييق وقهر : يعني بتزوجني غصب عني ..!
ابو رعد يناضره بهدو : انا ماغصبتك انا خيرتك .. يا تاجل السفر بعد سنتين ... ياتزوج وبعدها انت حر سافر وين ماتبي ..
رعد يحاول يهدي نفسه : طيب طيب .. انا موافق بس قبل ابي اعرف السبب وبوضوح ..
ابو رعد : اذا سافرت انا مايضمن لي تزوج هناك او يعجبك الوضع وتستمر بسفرك لبرا .. وانا مسستحيل اوافق على بنات من برا السعوديه ... واذا تزوجت الحين بيضمن لي انك مستحيل تزوج ومعك زوجه .. او تاجل السفر لبعد سنتين و بعد هسنتين بيصير خير وتزوج ... المهم انا مابيك تسافر الا وانت متزووج هذا هو الي ابي اوصل له بختصار ...
تنهد رعد وهو يفكر في كلام ابوه منطقي .. شبك يدينه ببعض وفكر فيها بهدوووو " وش الي يعارض ومايخليني اتزوج .. خلني اتزوج واسافر اطق عصفورين بحجر "
قال وهو يناضر لبوه الي ندمان لانه اجبره يختار .. ومتحمس لرده ...
فيصل بدون تردد : خلاص يوبه انا قررت اتزوج ....؟؟؟!!!
.............../...........
دخلت البلكونه ونصدمت لمن شافت امل جالسه في الركن وتبكي وتشهق ..
راحت لها بسرعه وضمتها : امووول حبيبتي ليش ليش تبكين .. ماعاش من يزعلك والله ..
امل بكت اكثر كانت تتمنى احد يجي ويواسيها وجات ايلاف مثل الملاك تحتويها .. كانت مخنووقه وتبي تشكي لحد ..
ايلاف منزعجه من حالت امل : يووه امول انا الحين قعده عند عمي عشانك وانتي تبكين ؟؟
امل تحااول تمسك نفسها : خلاص ايلاف روحي مع البنات انا شوي وجي
ايلاف : في احلامك قعده معك لييين تملي مني وتكرهي قعدتي ههههه
امل ابتسمت : مستحيل محد يقدر يكرهك ياايلاف ..
ايلاف تصلح خصل شعر امل : ياقلبي انتي .. يله اموول خلينا نقوم من هل مكان الكئيب ..
قامت امل معها وغسلت وجها .. ماكانت تبي تسالها عن سبب بكاها لين تشوفها هديت ..
ايلاف لمن شافت امل ساكته وكنها تبي تقول شي .. قالت : شرايك امول نطلع السطح ..؟!!
امل ابتسمت بسرعه : أي والله فكره..
طلعو وهم بدرج قالت ايلاف بتردد : ورا السالفه العنود صح ؟؟
لفت عليها بسرعه وهي مستغربه " وش معرفها "
ايلاف لفت تطالع في السطح لمن سمعت اصوات شباب .. ايلاف بقهر : يوووووه
امل طالعت وشافت عيال عمها واخوانها كلهم بسطح : لالالالالا .. وش الي جايبهم ياربي ..
عماد كان يسولف مع طلال .. ونتبه عليهم وقام بسرعه وهو مبتسم : هلا وغلا ,,هلا وغلا
ايلاف رافعه حجبها لمن شافته يناضر في امل : هلا فيك
كشر لمن سمع صوتها : مو ليك .. للقمر الي جمبك
صرخ لمن حس بواحد ماسك اذنه بقووه ولف وشاف طلال : عيني عينك تتغزل في اختي ..
تجمو الشباب وماتو ضحك على طلال الي دخل في هوشه مع عماد ..
ايلاف شافت متعب الي يطلع ..: حتا انت معهم ..
متعب : ايه .. وش تسوين انتي وامل هنا ؟؟
ايلاف ببروده : ولا شيء طلعنا نبي نسولف ..
متعب غار لمن شاف عيال عمه يناضرون ايلاف واخته .. رغم انه عندهم عادي عيال العم يقابلون بعض .. بس ماعجبته نضراتهم ..
متعب يمسك ايلاف وامل من ايدنهم : يلاه يلاه اقول قدامي انزلو تحت .. السطح مليان عيال ..
امل بقهر : بس احنا نبي نقعد فسطح .. بليييز تعوب انزلو المزرعه احنا نبي نقعد هنا ..
ايلاف بترجي وهي تمسك ذراعه : تكفىىى تعوب كلمهم .. تكفى تكفى ..!!
ارعشته مسكتها وحس دقات قلبه صارت اسرع وتوتر وقال بسرعه بنبره غضب : اقول انزلو تحت قبل ما عصب .. قلت حياء ..
انقهرو منه ونزلو ..
امل بتكفير : شرايك ايلاف نروح بيتكم .. هو اقربت بيت لعمي سعود ..
ايلاف توهقت وتوترت " لالا مشعل في البيت"
قالت وهي تبلع ريقها ولاحضت هشي امل : آ.. البيت ؟؟
امل وهي تقرب من وجها : ايه البيت وش فيه ..
ايلاف مكان في مجال ترفض لان امل سحبتها والمشكله ماعندها عذر تقوله ...
اول مادخلو البيت سالتها امل : اخوك في البيت ؟؟
ايلاف بشبه ابتسامه : ها .. اخوي .. ايه ايه في البيت نايم ..
امل : اهاا .. وينه ابي اسلم عليه .. بذات لانه تعبان ..
هنا ايلاف خلاااص عرفت انها مكشوفه مكشوفه .. قالت وهي تخفي رعبها : طيب ..
كانت تمشي بخطوات ثقييييله لغرفت اخوها وبعيونها دمووع من خوف الي بيصير وتردد في قلبها " يارب مو سكران.. يارب عقله معه ..يارب مو سكران"
فتحت باب الغرفه وهي مغمضه عيونها فتحتها ببط ونصدمت من الي شافته .....
.
.
.
.
.
.
.
.
.
ايلاف بدات ترتعش ... وين راح ... ويييينه ... لييش يصير فيني كذا..
سمعت الصوت الي خلفها وارعبها اكثر : نايم هاا ..؟؟
لفت وشافت امل الي ماعرفت من ملامحها غير انها جاده وتبي تعرف وش يصير ..
ايلاف تلف وجها يمين ويسار وهي تدور على عذر تقوله : ا.. اصراحه ... مشعل هو ... كيف اقول ..
امل بهدو : قولي الصدق ياايلاف ..
طالعت للباب الي ينفتح وشوي ويغمى عليها وتحس قلبها وقف ... راحت لمشعل الي يدخل البيت وهو يتخبط في الجدران ويقول كلام مو مفهوم .. مسكته من كتفه تبي تثبته : مشعل .. مشعل .. ههه ليش تاخرت ..
مسكها بقوه وثبتها على الجدار وقرب منها يبي يبوسها وهي تبعد وجها منه ومعاد قدرت تمسك دموعها : مشششعل مششششعل ... اصححى ياغبي ..
امل الي كانت تتفرج والصدمه في عيووونها وشوي وتطلع عيونها من كثر صدمتها قالت وفي راسها اكبر علامه استفهام : وش الي قعـــد يصــير ...؟؟؟؟؟
لفت عليها ايلاف ودموعها مغرقه وجها البريء ولف عليها مشعل ابتسم اكثر لمن شافها وانتبه لوجودها.. بعد من ايلاف وبدا يمشي تجاها ....؟؟!!!!!
*
.
*
.
استودعكم الله الذي لا يضيع ودائعه