منتديات العاشق - عرض مشاركة واحدة

ℓєℓσυcн · #1 03-07-2013, 08:41 PM

اڷسڷام عڷيڪم ۈرحمـۃ اڷڷـہ ٺعاڷى ۈبرڪاٺہ

أسعد اڷڷـہ صباحڪم ۈمساڪم بأڷف خير إن شـاء اڷڷـہ.. !!

ۈ اهلا

بجميع اعضاء منتدي العاشق وخاصۃ رواد القسم الادبي

اتمني تڪۈنۈا بأتم اڷصحة ۈاڷعافيۃ إن شاء

اليوم اقدم لكم ان شاء اڷڷـہ الفصل الخامس من يوميات صيدلي ان شاء الله يعجيكم

وهو عبارة عن قصص ساخره مكونه من عشرة اجزاء بعنوان يوميات صيدلي

ان شاء الله تعجبكم

واسف علي عدم الالتزام بالجدول الزمني بسبب الدراسه

ارجوا ان ينال اعجابكم هذا الجزء

تنبية .القصه خياليه ولا تمت للواقع بصله والشخصيات الموجودة بها واقع الخيال

واي تشابه بينها وبين الواقع فهو اغرب من الخيال

اه نسيت اقولكم هذه القصه لجميع الاعمار

( المصريين فقط يعرفون هذه مقدمه اي )

العاملون علي الموضوع

مؤلف القصه : dr.mahmoud elmakawy صديقي العزيز

فكرة وتنسيق وكتابه الموضوع : lelouch lamperouge

تصميم : f α н α ɒ المبدع دائما

(يوميات صيدلى) .... الحلقه السابع

حلقه النهارده بعنوان....

( الزباين العواجيز وعمايلهم فى الصيادله اللى زى حالاتنا )

كنت زمان وانا صغير بأسمع مقوله كانت ناس كتير بتقولها على الناس العواجيز لما بتتكلم فى المحلات ولا ف المواصلات او ف اى حته

وهى ( ياعم سيبك منه دا راجل عجوز وبيخرف) .. ومكونتش مقتنع بيها الصراحه

بس لما بدأت اقف فى صيدليات .. اقتنعت بأبوها .. وابصم بالعشره كمان عليها ..

انا من وجهة نظرى شايف ان الراجل الكبير فى السن ده عاش حياه طويله اوى ومر بتجارب ابوك نفسه لسه ممرش بيها ومن كتر التجارب اللى

مر بيها حاسس انه معدش يفرق معاه حاجه
( ما هو معدش عايز منها حاجه خلاااااص )

فتخيل بقه الانقح .. راجل كبير ف السن وكمان تعبان وجاى ياخد منك دوا

ممكن تنتظر منه اى حاجه يعملها .. وانت و حظك بقه ف الحج او الحجه اللى تقع معاك ...

انا (ك مجدى) منذ نشأتى فى الصيدليات حاطط ف دماغى مبدأ وماشى عليه .. ايه هو المبدأ بقه ؟؟

ان اى حد جايلك الصيدليه (كبيرا كان او صغيرا) دا راجل تعبان وجاى ياخد علاج تعبه ده وغصب عنه
لأنه مجبر عليه
ف أكيد نفسيته هتكون مش زى مانت متوقعها .. فلازم الواحد يكون حاسس بكل مريض بيدخله ..
حتى لو بدر منه اى فعل يضرك

بس مش لدرجه مد الايد يعنى ( يبقى قال على نفسه يا رحمن يا رحيم )
يعنى ملخص الحوار كله ف كلمتين ... ضبط النفس .. ثم ضبط النفس ..

يعنى انا سمعت عن ست كبيره رمت الروشته ف وش صيدلى زميل عشان قالها الدوا ده مش موجود عنده

انت لو مكان الصيدلى ده كنت هاتعمل ايه ؟؟

بس يا جماعه المواقف اللى زى دى بتبقى نادره

بس لو صادفتك وحصلت لازم تكون اهدى من كده .. وتعرف ان الست دى زى جدتك برضه ...

الجانب الأخر من كبار السن بقه ودا اللى بنتعامل معاهم طول اليوم

جدو و تيته الرغايين

يعنى الحاج عبد الفتاح داخلى يأخد شريط (نوفاساه)
( بينطقوه كده )

سلامو عليكوا يا دكتور مجدى
اهلا ازيك يا حج عبد الفتاح اخبار صحتك ايه ؟؟ (ويارتنى ماسالته)
زى الزفت يا بنى والله

الحاجه سافرت المصيف مع وحيد ومنى .. وسابونى قاعد لواحدى ومش لاقى حد يجيبلى غله

للحمام .. اصل عندى جوزين حمام زغاليل ولازم ازغطهم كل يوم

واحد منهم بقه طار منى امبارح على سطح الحاج صبرى و ....... ......دودودودودودووو ... (إلخ)

ودااااااااانى يا جدعاااااان
الراجل ماصدق وفتح الاسبيكر

خلاص يا حج .. ربنا يخليلك الحمام بتاعك .. اامرنى يا حج ؟؟
- والله يابنى نسيت انا كنت عايز ايه ؟؟ .. اه صحيح عايز شريط نوفاساه الاصفر فأبيض ده

الدكتور كان بيجيبهولى من هنا اهو
خلاص يا حاج عارف مكانه والله .. اتفضل اهو
بكام يابنى ؟؟
ب 2.5 بس ان شاء الله
عالحساب بقه عشان لسه جايب غله للحمام هيهيهيهي

المهم عمك عبدالفتاح عمل الفيلم ده كله عشان ياخد (النوفاساه) عالحساب
......................

الحاجه ام ماهر بقه ... صاروخ الدعواااات الغير مستجابه على الاطلاق

ازيك يا حبيبى
الحمد لله يا حاجه
والنبى يابنى اللهى ينور طريقك ويصلح حالك ويغنيك من حلاله وويديك على قد نيتك و يكفيك شر

الطريق عايزه علبة الحقن بتاعة الالتهابات الخضرا دى

اسمها ايه يا حاجه ؟؟
مش فاكره والله كل شهر بجى اخدها وبرضو بانسى اسمها وبانسى كمان اجيب العلبه الفاضيه

هى حاجه كده زى ترباس او ترباسين مش فاكره

والنبى فكرنى كده يابنى اللهى ينور طريقك ويصلح حالك ويغنيك من حلاله وويديك على قد نيتك و يكفيك شر الطريق

خلاااص يا حاجه .. الفا كيمو تربسين .. (والله وبقى اسمها ترباس )
.. بس دى ناقصه يا حجه

مانى عارفه يابنى بس و الختمه الشريفه باخدها من الدكتور كل شهر وهو عارفنى والله ومش تايه عنى

قوله بس ستك ام ماهر سلفة بنت عمة ابو جده الله يرحمه
ادينى واحده الهى ربنا ينور طريقك ويصلح

خلاص يا حجه كفااايه .. دا الدعوات دى لو اتحققت د انا كان زمانى الوليد ابن طلال دلوقتى

بس والله مع انها مابتجيش الا عشان تأخد الدوا الناقص منى .. على قد ماهى ست طيبه وعلى نياتها

واخيرا الموقف الذى لا يقدر اى صيدلى زى حالاتى ان يمسك نفسه فيه ....

راجل عجوز بس عجوز اوى بقه .. من الناس اللى مبيهموش حد بقه ولازم يأمر ف يطاع فى الحال ...

الراجل مش عارف يمشى وماسك ف ايده عصايه و لابس 4 بلاطى صوف فوق الجلابيه مع اننا ف عز الصيف

ولابس طاقيه الصيادين دى مع نضاره شمس بنى (جيمسو بوندو يا جدعاان)

الراجل ماصدق دخل الصيدليه ولقيته راح قالع النضاره الشمس وباصصلى بصه بقرف كده وقايلى
انت صيدلى ؟؟؟
رحت باصصله وباصص على نفسى وباصصله تانى
لأ سباك
بتقول ايه ؟؟
انت شايف ايه قدامك يعنى ؟؟
انا بسأل سوأل تجاوبنى على قد السؤال وخلاص

الصراحه انا مسكت نفسى عشان الراجل قد جد ابويا (مش جدى ) ولو كحيت ف وشه هايتحلل

ايوا صيدلى يا حج .. عايز ايه ؟؟
هاتلى علبة الفيتامينات اللى لونها احمر
اسمها ايه يا حج ؟؟
معرفش
طب بكام طيب ؟؟
معرفش .. انت مش صيدلى ؟؟ .. هاتلى علب الدوا بتاعة الفيتامينات كلها وانا هشاورلك عليها

الصراحه الراجل استفزنى .. ومع انى اقدر اقوله لأ وامشيه .. بس برضه جيت على نفسى وطولت بالى معاه اما اشوف اخرته ايه معايا ....

قعدت اوريله علب الفيتامينات علبه علبه .. ويقولى لأ
نيوروتون ؟؟
لأ
نيوروفيت؟؟
لأ
رويال فيت جى ؟؟
لأ

والمشكله انى اجى اعين العلبه ف مكانها يقولى لأ سيبها جنبى هنا عشان جايز افتكر شكلها ...

المهم طلعتله عالبنش كل ادوية الفيتامينات وهو يقولى لأ مش ده .. ولا ده .. واخر ماطهقت رحت قايله

خلاص يا حج مش موجود عندى .. روح هاتها من اى حته تانيه

لقيته قعد يتمم بكلام ف سره كده بقرف فيما معناه :
الله يحرقكوا .. صيادله هم ولا بيفهموا ف اى حاجه .. انا مش عارف ايه اللى موقفهم ف صيدليات دول

وراح مادد ايده جوه المغاره اللى ف صدره
- هو هيلطع مسدس ولا ايه؟! متتهورش
وقام

مطلع علبه دوا حمرا وقالى هاتلى علبة الفيتامينات اللى زى دى

سايبلكوا انتوا التعليقات ف الراجل ابن ال ******** ده

To Be Continue .......

الاجزاء السابقة

يوميات صيدلي s1

يوميات صيدلي s2 ‏

يوميات صيدلي s3

يوميات صيدلي s4

يوميات صيدلي s5

يوميات صيدلي s6