|
لمن يفهم اللهجه جزائرية ( شكون لي صفر)
بِسْمِ اللّهِ الرَّحْمَنِ الرَّحِيمِ
 السَّلاَمُ عَلَيْكُمْ وَ رَحْمَةُ اللهِ وَ بَرَكَاتُهُ
فى وسط المحاضرة واثناء شرح الدرس
سمع الاستاذ صوت تصفار
التفت للطلاب وقال شكون اللى راه يصّفر !!
واحد ماجاوبو !!
دار وكمّل يشرح
زاد سَمع صوت التصفار
التفت للطلاب شكوون اللى راه يصّفر !!
قاااع سكتو !!
حَط القلم وُ قفل الدفتر وقال خلاصت المحاضرة .. بصاح نحكيلكم قصة!!
قال:
عندها ثلث أيام فى نص الليل ماجانيش نوم قلت رحت نوضت الطوموبيل وخرجت ندور
و أنا راجع تلاقيت واحدة الشابة واقفة فى الطريق
وُ قلتلها: نوصلك؟
قالتلى : اييه مادابيك
وُصلتها وُعجبتها بيا وادات النيميرو تاعى
وكي هدرت معاها وحكيتلها بلى نقري فى هاذ الجامعة
قالتلى : يااا حنونى لوكان تديرلي سيرفيس ماننساهولكش
قلتلها: مايكون غير خاطرك
قالتلى: خويا يقرا عندكم و لوكان تتهلا فيه برك يدي العام خاطرش راه غير يرودوبلي
قلتلها : ايه واسمو خوك
قالتلى: قاتلى مانقولكش مي هو يحّب يصّفر ويضل غير يصّف
=وفى هاذي اللحظة قاااع الطلبة اللى كانو فلونفى دارو وبداو يخزرو
فاللى كان يصفّر وهو بدا يعرق و وجهو يحمار و يزراق
خزر فيه الاستاذ وقالو أرووواح احنا ماشى تحّب تصفر
دوك تصّفر انت و لى نوت ديالك تانو يوللو يصّفروو 
|