وان كنت مخطي بحقك لاتؤاخذني
وحقك يجيلك وتنسى للزعل طاري
ياماخذ الروح تكفى لاتفارقني
لاتترك البرد يذبحني وأنا عاري
أرجوك لاتبتعد كافي تعذبني
مادام دم الغلا في خافقي جاري
لامر طيفك بعيني قوم طالعني
مازلت شاري والى آخر نفس شاري
عليك شوقي لشوفك كم يسابقني
وأتغافل الشوق لعيونك وأجي ساري
ياكم نفسي على حبك تراودني
ولاشك قلبي على عشق الحلا ضاري
أقسى عذاب الهوى يومك تخاصمني
جرحت عيني جفا وأشعلتها ناري
تعال تكفى ولاتزعل وتخذلني
ودي أكيد الماسي واخذ بثاري
إن كنت فاضي تعال أرجوك كلمني
شاب الغلا وأنت ماتدري عن أخباري !!