طلع من الحمام بعد ماأخذ شور وهو يجفف شعره بالمنشفه ولاف منشفه ع خصره
شاف شاشة جواله يولع نورها كان ناسيه ع الصامت
رفعه وعض ع شفته لما شاف المتصل يدري إنه معصب عليه
ورد:هلا
جاله صوته معصب:لا ا ا ا ا لسى كان نمت بعد إنت ووجهك
إبتسم بحرج:سوري بسام والله ناسيه عالصامت
بسام معصب:وإن شاءالله بعد لسى ماجهزت ترى والله ذابحك ذابحك يافيصلوه
فيصل بضحكه:لا قايم اللحين نازل إنت وينك اللحين
بسام:وين يعني في البيت أنتظر حضرتك مو تقول بمر عليك
رمى المنشفه من إيده ع السرير:لا خلاص دقايق وأكون عندك
سكر منه ودق ع رقم:ألو سامر جهز سيارتي بسرعه
لبس بسرعه بنطلون جينز وتي شيرت برتقالي
وأخذ أغراضه ونزل
سمع أصوات عندالمجلس ونادى ع ريم
سمعها تناديه ودخل إبتسم وهو يسلم لماعرف أمل
:كيفك أمل
أمل:تمام وإنت
إبتسم :أكيد تمام
خفق قلبها من إبتسامته اللي دوختها
إنحنى ياخذ من الحلى وأكلها:مين جايبه شكله بيتي
ريم:أمول
فيصل رفع جاجبه:أمل غريبه جايبه حلى وش صار بالدنيا
أمل بقهر:إذا مو عاجبك لاتاكل منه
فيصل عجبه الوضع:بصراحه طعمه مر
أمل عصبت:أحسن لا يعجبك مو مهم رايك
ريم:فيصل شرايك تطلع
فيصل:أصلا انا طالع
أخذمن الحلى وطلع وهو يضحك
أمل شالت الغطا عنها:أففففف
أخوك يرفع الضغط
ريم تاكل من الحلى بلا مبالاه:طنشيه
دخلت بغرور وسلمت ع رنا
جلست وحطت رجل ع رجل:إنتي هنا (وطالعة لميس بطرف عينها)والغريب يعرف وأنا آخرمن يعلم
ريم بقهر تشد ع حكيها:مافيه غريب إلا الشيطان وبعدين ماحد قالك إنطقي في غرفتك ولا تدري عن أحد
رفعت حاجبها بغرور وطنشت حكيها وهي تاخذ قطعه من الحلى وتاكلها وتوقف:وشكلي برجع لها أحسن من مقابلتك إنتي واللي جنبك
رفعت حاجبها لميس لأنها عرفت إنها المقصوده وطنشتها
كانت مقرره تطنش رنا وحكيها ولاتعطيها أهميه لانهافي نظرها بياعة حكي
طلعت ريم ورى رنا ناوية عليها
وقفت أمل بمرح:يالله نطلع
لميس :Wher ‎
مسكت يدها تقومها:نطلع للمجالس اللي برى نفسي أجلس فيها دايما مستحلينها الشباب (غمزت لها)فرصه مافيه أحد
قامت معها لميس ونادوا ع الخدم يشيلوا الأكل ويقولوا لريم إنهم في المجالس
طلعوا لها بس خاب أملهم لماشافوهامقفله
أمل بقهر:أففففف مقفلينها قهر أبغى أجلس فيها
لميس بضحكه:وإنتي ليه تبغيها
تعالي بس للحديقه عند المسبح أونس
راحت معها مقهوره أمنيتها تدخلها تبغى تشوف إيش عاجبهم فيها الشباب دايما يجتمعوا فيها
دخل يصفر برواقه حامل بإيده كتاب يلعب فيه:لمــــــو و وس
طلعت له ريمير إيش عندك
طالعها بابتسامه:وين ميسو
عقدت حواجبها باستغراب:مين ميسو
ضحك:مين يعني لموس
ريم تخصرت:وتدلع بعد.إيش تبغى فيها
رفع الكتاب في وجهها:علشان هذا طالبته مني
مدت إيدها له:عطني بعطيها لها هي عند أمل
عطاها لها:أوك
مشى بيطلع ووقفته:عادل
لف يطالعها:هلا
قربت منه:بتطلع
عادل:لا برقص وش شايفتني
ضحكت:ههههه طيب بـ..
قطع كلامها فيصل وهو يدخل :السلام
ريم رفعت حاجبها:أمداك تطلع
شرط ماأمداك تطلع من الحي إلا وأنت راجع
ضربها ع جبهتها:وإنتي دايم لسانك طويل
حطت إيدها ع جبتها:أحححح وجع يآلم
عادل بتريقه وهو طالع:يا رقيقه
طلعت برى تقلب في الكتاب متجهة للمجالس
فتحت الباب وشهقت لما صدمت في شئ وطاحت ع الأرض
رفعت راسها بعصبيه:وووجع ماتشـــ........
*************
في د.كيــــــف
جالس ع الكرسي ورافع نظارته(آرماني) ع شعره ويحرك السكر في كوبه بسرحان
إنتبه ع صوت أعزأصحابه: وين وصلت
رفع راسه وإبتسم: للحين ماوصلت لشئ
ضحك يطالع كوبه:ع فكره ترى ذاب السكر
ضحك يشيل الملعقه عن الكوب:ياخي لاتدقق
تنهد بضحكة:ياخي طفشت جايبني هنا علشان تراقب الكوب وتسرح
ضحك:هههههه إيش أسوي إذا إنت أعز أصحابي ولازم أشوفك كل يوم لو ساكت
إبتسم بغرور:يحق لك مو أنا سعود بن فهدال.....لازم أكون أعزأصحابك
ضحك وهو يرفع الكوب لفمه يشرب ويطالعه بطرف عينه
سعود:المهم مارح تروح للشركه
طالع ساعته :إلا دقايق ورايح
عندي إجتماع بعد ساعه
بعدين تعال إنت متى إن شاءالله تجي تشتغل معاي في الشركه
سعود بضحكة:لا ا ا الله يعافيك خلني كذا مرتاح
طالعة بتريقه:ياخي ماتلاحظ إني قاعد أطر منك
سعود ضحك:ياحبيبي شغلكم متعب مره وأنا مافيني ع التعب الزايد
قطع حكيهم صوت الجوال ورفعه:هلا محمد......أوك إسمع أبغى كل شئ جاهز أنا خلال نص ساعه بكون في الشركه والعقود كلها ع مكتبي.....إتصل في شركة (.......)وحدد معاهم موعد أبغاه خلال يومين فاهم
بعد ماسكر منه
سعود:أقول رعد شكلك ناوي ع سفره
رعد تنهد:أيوه تخاويني تراها ع لندن
سعود بضحكة:والله ياليت بس
عندي مشاغل
قام رعد وأخذ جوالة:يالله أنا ماشي
قام معاه سعود وطلعوا
************
في أحد الأحياء الراقيه بالتحديد في أحد القصور اللي تدل ع رفاهية أصحابها
في أحد الغرف الواسعه بأثاثها الفخم اللي يسودها الظلا ام
كانت جالسه في ركن غرفتها ع الأرض ضامه رجولها لصدرها
وتبكي بألم
كانت دموعهاماتوقف واللي كانت المفروض إنها ماتنزل لأي سبب وخصوصا في هالقصر
اللي يدل ع أن أصحابه في قمة السعاده والراحه اللي يفتقر لها الآن
ع العكس كان يسوده الحقد والكره ،العذاب،الألم،،،
والضحيـــــــــــه هـــــــــــي
رفعت راسها تمسح دموعها بإيدها الصغيره بارتجاف
لماسمعت صوت الباب ينفتح والنور ينتشر في الغرفه
ضمت نفسها لماشافت إختها تطالعها بحقد وكره واقفه عند الباب بأناقتها المعتاده ع عكسها تماما اللي كانت ماتعرف عن الأناقه والموضه إلا إسمها
: إنتــــي للحيـــــن جالســـه هنــــا ياحر ا ا م
قربت منها ولصقت جسمها في الجدار بخوف
انحنت ومسكتها من كتفها بقوه ووقفتها
وبحقد وتوعد تناظرها من فوق للتحت بقميصها الأبيض بنقط حمرا بأكمامها الطويله:شوفي إنتي يالنتفه هذا درسك لك علشان تحرمي تتحديني أو تجسسي علي وإن فتحتي فمك بكلمه سامعــــه بكلمه وحده
راح تتمني إنك ماإتولدتي وإسمك النجس هذا ينضم لإسمي
رمت جسمها الصغير والنحيل ع الأرض بقوه وطلعت
حطت إيدها ع فمها تكتم شهقتها وغمضت عيونها وجسمها يرتجف
قامت بسرعه للباب وقفلته
رمت جسمها ع السريرالواسع وأطلقت العنان لدموعها بلا توقف
**************
شهقـــــت بصدمة والدم تجمد بعروقها وهي تشوفه واقف قدامها يطالعها بدهشه
نزل لمستواها ورفع الكتاب عن الأرض ومده لها بابتسامه تدوخ
:سوري مانتبهت
بغى يغمى عليها مدت إيدها وسحبت الكتاب وقامت بسرعه تركض ووجهها يحترق من الفشييييييله
طلعت عليها تركض وطاحت عندهم حاطه إيدها ع صدرها تلهث
طالعتها بدهشه:شفيك
رمت الكتاب عليها بعصبيه بعد مااستوعبت ــــذي كتابـــك لا بارك الله فيـــه
أخذت الكتاب تطالعه عاقده حواجبها:من وين
حطت إيدها ع قلبها اللي تحس دقاته للحين تدق بقوه:هذا اللي هامــــك
طالعتها:ليه إيش فيك
حمر وجههابفشيله وإيدها ع قلبها:يـــــو و و ه صدمت فيه عند الجلسات
عقدت حواجبها:من
نزلت راسها بإحراج:بـ...بسام
شهقت:NO Way.إيش خلاكي تروحي هناك
ريم بعصبيه:مــــو إنتـــو بتروحوا هناك
أمل بحيره:ترى مو فاهمه شئ
ريم تذكرت وجود أمل وزاد إحراجها
لميس بضحكه:هذا حبيب القلب
رفعت راسها ريم بقهر:جــــــب
أمل :لا ا ا ا ا ا ا ا ا ا السالفه كبيره يالله أشوف غردوا
لميس قالت لها قل شئ وأمل ميته ضحك ع ريم مومصدقه هذا يطلع منها
ريم ساكته مقهوره من ضحكهم
لميس لماشافت شكلها غيرت الموضوع:من وين لك الكتاب
ريم:من عادل
لميس بابتسامه:ياحبيله مانسى
أمل باستنكار:وشــــو ياحبيله
لميس ضحكت:ههههه لاتفهمي غلط تراه مثل إخوي
أمل:أشوه بعد عاشقه وحده والله يعينا عليها بعد ثنتين
رمتها ريم بشنطتها:و و و و و جع
************
.
,
,
,
,
,
,
,
,
,
,
,
,