|
قصائد صغيرة ولاكن في غاية الروعة
--------------------------------------------------------------------------------
قصائد صغيرة ولاكن في غاية الروعة
--------------------------------------------------------------------------------
أحبك
يعني أحبك من كلب ولسان وشما تحمل أحبك من معاني أحبك يعني أسهر ماأنام الليل
وأحزن لوغبت عني ثواني وبس إنت أشوفك من كمت أهواك وغيرك ماشفت حبك عماني وبس صوتك أسمعه دون الأصوات وترفض غير صوتك هاي أذاني جنت إسنين بلاعشك مرتاح وإجه حبك عله لحب علماني وقبل عندي أماني هواي جانن وهسه شوفتك هي الأماني صرت كلشي بحياتي وإنت كلشي وصرت انه إنته وإنته آني مدري إتخبلت مدري العشك هيج مدري حبك جنناني وإذا قيس بمحبته بعصره مجنون أنه مسودن عشك عصري وزماني
@@@@@@@@@@@@@@@@@@@@@@@@@@@@@@@@
ماشوفك تحبني وجنك انته ابعيد اشما اقرب عليك اتزيد حسراتك
اذا خايف احرجك كلي ليش تخاف ؟
ماأريد انا اصبح سبب مأساتك
احسب للطريق وشوف دربك زين !بس انا اعتقد حاسب حساباتك
مرأت اني اشوفك قمة بالأشواك
ومرات احس كلبك ع** نظراتك
اشوفنك ترف واطمع علترافه البيك
اجيك وتنكلب قاسي بعلاقاتك
ياحاتم _بالكرم واكثر بعد للناس بس وياي تبخل ليش ساعاتك
تلعب على جروحي وتضحك ومرتاح
وانا بطيب كلبي احمل جراحاتك واضح وي غيري وغامض انته وياي
اتمنى انا غيري واحوي ضحكاتك بس راح انا اعوفك وانشغل بالروح ماتكلي من يمسح غيري دمعاتك
@@@@@@@@@@@@@@@@@@@@@@@@@@@@@@@@
إذا دمعك جره وماكفته العين أبجي إعيوني حته تكفي أحزانك . وإذا إنته إتعبت فديوم وياي أمد عمري جسرماأنكر إحسانك . وإذا وكتك لواك ومالكيت إخوان أسطرلك إضلوعي إتصير خوانك . وإذا انته صرت سالوفه للطيبين أصيرن هيل كهوه إبوصط فنجانك
@@@@@@@@@@@@@@@@@@@@@@@@@@@@@@@@
تذكر من كلت ماانساك كتلك جذب تنساني
صدك وحك عيناك غيرك مااحب ثاني
وكلت للموت اضل وياك واتحدى الموت لو جاني
مو حلفت بالقران كلبك دوم يهواني
واني الي اسولف بيك واسمك دوم على لساني
وانه الما امل طاريك كلبك ليش ملاني
نسيت العشك ياهواي الله وياك هجرك حيل اذاني
@@@@@@@@@@@@@@@@@@@@@@@@@@@@@@@
|