زجل... "شلا كلام"
شلا كلام تقال
والديب ديب بفعال
نشبة تبان ونشبة تدمال
والشوك بالرصيف ما ينرال
عنداك يا لي ما عندو مال
لبحر بمواج جوال
والحق يتوالى متوال
وخلاقوا يهز البال
والفاهم وتد الجبال
دبا تبان سر او منوال
ومواخد تكشف سروال
واش من شدة للحال
واش الحر بالحق موحال
دبا تبان وتكشف لقوال
دبا تجي اليام تطوال
وتقول كان لي فالبال
الحق عمر مايضيع عدال
شلا كلام تقال
والصيف عزو لشجر تضلال
دبا تبان لكوش تبقال
دبا تبان حبة لكبال
وتقول لشاوي نشو بشمال
شلا كلام تقال
والصيف نور شمسو توضح لفعال
واش الديب ولف ظهر الحمال
شلا كلام ضحكوا تهلال
شلا كلام يبقى فالبال
شلا مال رشى لحوال
هنا القال تحد لقوال
شلا كلام تقال
والحق غدا يبان بموال
دبا يبان سرو منوال
تبين لعنة خمال
وتبان بقوال موال
خالد بوحنيني
مختصر في مانعيشه اليوم .......