اهلا صديقي, اسف عالازعاج مره ثالثة, خلصت الحلقة 6 من امس مواصل وكنت العب وافكر ... وتوصلت لنتيجة, نتيجتي مزيج بين الخيال والواقع كل الي احتاجه منك انك توقلي هل انا على الطريق الصح او الغلط:-
من الجاني الذي ارتكب الجرائم (من هي بياتريس)؟
الاجابه هي يعتمد على حسب الحلقة, 1=الخدم+نانجو 2= الخدم+نانجو 3= ايفا 4= شانون+نانجو 5= شانون+نانجو 6= باتلر, واتوقع الحلقة 1 شانون ايضا لكني ماراجعتها بسبب كسلي.
+
القاتل عنده متعاونين من الخدم.
كيف تم ارتكاب الجرائم (يعني تفسير طريقة كل جريمة وخدعة سحرية)؟
الجرائم كلها ارتكبت بطرق منطقية ومالها علاقة بالسحر, كلها تتفسر بالمنطق وبالتحليل, وكل الخدع السحرية لها تفسير منطقي, بضربلك مثال واحد للأختصار جريمة غرفة القتل السداسيه المغلقة في الحلقة 6 (وهي الافضل عندي فالسلسله)
حلها منطقي اذا كان واحد من الضحايا زيف جثته, واتوقع انها شانون لانها عقب ماطلعوا من غرفتها كسرت الدريشه وشردت.

وما دافع الجاني لارتكاب الجرائم (يعني السبب ليش حدثت كل هذه الجرائم)؟
وهذا السبب الي خلاني اسالك, لان في الحلقة الثالثة كان فيه تلميحات ان شانون هي حب باتلر الاول, وبياتريس قالت ان قبل 6 سنوات باتلر ارتكب خطيئه , ماعرف شنو هي الخطيئه لكن اتوقع جرح مشاعر شانون. وفي تلميحين لهذا الشئ:
الاول: في الجانب الخيالي, اللورد باتلر وبياتو تزوجو في الحلقة 6
الثاني: في كل جرائم القتل ماذبحت باتلر الا اخر واحد وكانها تبي توصله رسالة ان جرح مشاعرها او خانها , اما حبها لجورج كذبه, ماعرف شنو الهدف منها لكن فيه تلميحات ان الساحرات يكذبون, بالذات في نهاية الحلقة السادسه شفنا كيف بياتو كذبت على باتلر. لكن اتوقع كانون يحب جيسكا فعلا من قلبه.
هذا توقعي الحالي للجانب الواقعي

الجانب الخيالي:-
السحر عبارة عن كذبه وكذبه كبيرة كنت مقتنع فيها لين بداية الحلقة 6, بالذات لما باتلر تحول للورد باتلر وصار صاحب اللعبه, توصلت لرسالة بيبي يوصلها الكاتب من خلال شرحة لأنواع الساحرات في اللعبه:
الاول: مثل بياتو تقدر تتحكم فرقعتها على كيفها= الشخصيات الخيالية في القصص تقدر تتحكم في قصصها فقط
الثاني: انجي الساحرة و بيرن ولامدا: وهم الساحرات المتنقلات بين العوالم, مثل ماتقلت بيرن من هيغراشي ليومنيكو= وهي تمثلنا احنا القراء الي نقرأالقصص عشان نذبح الملل وننتقل من كتاب لكتاب وقصه لقصه وعالم لعالم
الثالث:مثل فيذا تقدر تصنع كون من العدم او لاشئ= وهي تمثل صناع المحتوى الكتاب واصلا واظح بالذات لما توهيو حطت نفسها انها الكاتب.


هذا تحليلي باختصار لحد الحين تعبت صراحه عشانه بس قول اذا خطأ مابزعل عادي, وانا للحين عندي اساله ماقدرت احصل لها اي جواب مثل حل الاحجيه وموضوع تحول الخادمه لفيرجيليا الغامض وموضوع انجي وايفا الي للحين مب فاهمة عدل

وطبعا طبعا طبعا مانسى اهم شي, وهو شنو الي صار بالظبط في روكنجيما عام 1986.
واسف مره ثانيه عالازعاج

اظغط عالصورة بتطلع لك كامله واسف عالازعاج مره ثانيه

مثثثللل ماتوقققعععتت مرتبطين ببعضضض عطني كم يوم بخلصهم هم الـ2 وبطلع بنظرية خشنة لأن الامور قاعده توضح حطيت صورة صغيرة عشان لاتصير زحمه عنندك اتمنى تكون واظحة لكن بيرن قالت انها كانت في هيغراشي توني راجعت اوراقي

لحظة لحظة لحظة صديقييي لاتجاوب على سؤالي اعرف ازعجتك لكن استحملني شوي !!! تذكرت شييي مهمممم

اهلا صديقي, بااااااااااال مؤلف يومنيكو عبقررررييي !! الحلقة السادسة احلى حلقة دعست على كل الحلقااااات من الصبح وانا العبهااااا صراحه ابدااااااععععععع متحمس اشوف شلون باتلر بيطلع من المصيبة الي دخل نفسه فيهاااا !
+
عندي سؤال بسيط, انا بصراحه اشك ان بيرن كانت موجودة فهيغاراشي بحكم اني تابعت الجزء القديم وفيه شخصيه معينه فبالي بس الي بغيته تأكده لي توقعي صح او خطأ, الله لايهينك يعني
+
اذا توقعي كان صح احتاج اشوف هيغراشي 2020 عشان اطلع بتحليل كامل وصحيح للي قاعد يصير
بس والله ابدااااع شنو ذييي !! هذي احسن قصه قريتها فحياتي والله احسن من هانتر نفسه شنو مخه هالمؤلف العبقري !!
والله مسكين باتلر شلون بيطلع من الجحيم بيتم محبوس للأبد خلني ارجع اكمل شكله بيخسر خلاص
الحلقه 6 تدعس على الحلقات الخمس الاولى كلهااااااا

اهلا صديقي شلونك شخبارك, انا توني خلصت الحلقة الخامسه, وبصراحه عندي توقع للقاتل لكن احس انه غبي,
اشك ان القاتل هي الخادمه شانون, بس مب متاكد عادي اغير في اي وقت.

أوكي بجاوبك على سؤالك: هل من الي تابعته لحد الان ظهر فيه من التلميحات الكافيه عشان افهم كل شي فالقصه ؟
الجواب هو نعم تلميحات أول أربع حلقات تكفي لحل غموض القصة، وش المقصود بغموض القصة طيب؟ المقصود هو الإجابة عن هذه الأسئلة الثلاثة:


من الجاني الذي ارتكب الجرائم (من هي بياتريس)؟
كيف تم ارتكاب الجرائم (يعني تفسير طريقة كل جريمة وخدعة سحرية)؟
وما دافع الجاني لارتكاب الجرائم (يعني السبب ليش حدثت كل هذه الجرائم)؟

الأسئلة الثلاثة مرتبة من الأسهل للأصعب، يعني أول سؤال من الجاني سهل قليلا اكتشافه من التلميحات، كيفية الجرائم صعبة، ودافع الجاني أصعب

الحين بالعودة لسؤالك نعم يمكن حل هذه الأسئلة من أول أربع حلقات فقط، في حتى ناس حلتها من الحلقة الثالثة
لكن للأمانة هذا صعب جدًا ويحتاج تفكير وتمحيص في الحلقات، يعني حرفيًا أنَّك تمسك ورقة وقلم وتقعد تنبش وتحلل
خصوصًا آخر سؤالين صعبين فقط من التلميحات لأن بعض التلميحات مخفية بعناية شديدة ما تعرف أنها تلميح
الناس اللي حلتها في وقتها كانت غالبا ناس استثمرت مجهود طويل في التحليل والنقاش في المنتديات ومع بعضها


وكلما زدت في حلقات الأجوبة كلما سهلت الإجابة شيئًا فشيئًا عليك،
أغلب الناس يمكنهم التوصل لجزء كبير من الحل على الأقل لأول سؤالين في الحلقتين الخامسة والسادسة
أنا نفسي ما أعتبر نفسي حليت القصة إلا في نهاية الحلقة السادسة

وبصراحه القصه فيها تناقضات غريبه ! ادري الكاتب يبي يوصل رساله بس احس كل ما اطلع بتفسير منطقي يطلع غلط! ماعرف صراحه احس اني ضايع وماعرف شي فالبدايه كان كل شي صح لكن البارت الرابع لحس مخي

اهلا صديقي رمضان كريم وعيدك مبارك
انا حاليا عندي سؤال بس جاوب بأي او لا ولاتحرق علي،
انا خلصت اول اربع بارتات من القصه، حاليا في بداية البارت الخامس لما كينزو بعد رجوعه للحياة مباشره وناتسوهي وبياتريس يتناقشون، هل من الي تابعته لحد الان ظهر فيه من التلميحات الكافيه عشان افهم كل شي فالقصه ؟

شكرا صديقي
اولا انا فالبارت الرابع حاليا من اللعبه, وموقف حاليا فالمكان الي الساحرة ماريا وساكراتوا يدربون اخت باتلر الصغيره من ابوه على السحر, خلاص سحبت عالمانجا لان الترجمه بتتأخر ادري الموضوع مب بيدكم بس قررت اخربها والعب اللعبه من الصفر. اللعبه مليانه حشو مثل باقي الالعاب. عكس المانجا الي تختصر كل شي وتعطيك الخلاصه. المانجا افضل بس انا طبيعتي ماحب المانجات بشكل عام
ثانيا: اعرف ان بعض الاسرار في هاللعبه ماتنحل وقريت هالشي قبل ماالعبها في vndb واصلا هذي هي فكرة الgame play في هذي اللعبه ان المؤلف يعطيك بعض الالغاز ويخليك تفكر وتحلها بنفسك عكس باقي الvn.
ثالثا: شوف اخوي انا احترم نظريتك ان اي واحد يكون القاتل يتحول لبياتريس, لكن ماتوقع انها صحيحه وبقولك الأدلة الي استند عليها:
1- فيه تناقض كبير فالتواقيت: يعني مثال ايفا حلت الاحجيه عقب مابياتو حققت الغسق الاول وارتكبت جريمة القتل السداسيه المغلقة.
2- موضوع هزيمة ايفا بالاحمر: باتلر فاز على ايفا الصغيره بمساعدة بياتو بالاحمر وعقبها ايفا الكبيرة صارت هي القاتله, فشلون ايفا صارت القاتله وللحين ما اثبت عليها التهمه ؟ فهمت نقطتي احس فيه تناقض فالحركه, الا لو الحركه كان فيها devil proof ؟ وباتلر قدر ينهي الدفل بروف عقب ماهزمها بالمنطق ؟ ياخي صدعت

المهم بكمل انا وبشوف انشالله الكاتب يقول كل شي

اي صح شي اخير معلمة بياتو كانت العجوز, والعجوز تحولت لها , هل هذي كانت تمثيليه عشان يخدعون باتلر عشان يعترف فيهم ؟ ام ان الموضوع بعد يستند على نضريتك ان الساحرات ليسوا شخص واحد وتجسيد لقواعد العالم؟
وشكرا